சீன நாட்டில் சிவப்பு மான் என்று அழைக்கப்படும் Yarkand இனத்தை சேர்ந்த மான்கள் குட்டிகளோடு ஆற்றை கடந்து செல்லும் வீடியோ வனத்துறையினரால் வெளியிடப்பட்டிருக்கிறது.
சீனாவில் வனத்துறை அதிகாரிகளால் சிவப்பு மான்களை கணக்கெடுக்கும் பணி மேற்கொள்ளப்பட்டுள்ளது. அப்போது தான், இந்த மான்கள் Tarim ஆற்றை கடந்து செல்லும் அழகான காட்சி தங்கள் கண்களில் பட்டதாக வனத்துறையினர் கூறியுள்ளார்கள்.
மேலும், சீனாவை சேர்ந்த வனத்துறை அதிகாரிகள் இது குறித்து கூறுகையில், கடந்த 2010 ஆம் வருடத்தில் இந்த கணக்கெடுப்பு நடத்தப்பட்ட போது, 20 சிவப்பு மான்கள் மட்டும் தான் இருந்தது. ஆனால், தற்போது நடத்தப்பட்ட கணக்கெடுப்பில் சுமார் 1200 சிவப்பு மான்கள் இருக்கிறது என்று கூறியிருக்கிறார்கள்.