இந்தியா இலங்கை அணிகளுக்கிடையேயான முதல் டெஸ்ட் போட்டி நிறைவடைந்த பிறகு பேசிய கேப்டன் ரோகித் ஜடேஜாவை புகழ்ந்துள்ளார்.
இந்தியா இலங்கை அணிகளுக்கிடையேயான முதல் டெஸ்ட் போட்டி கடந்த 4 ஆம் தேதி மொகாலியில் தொடங்கியுள்ளது. இதில் இந்திய அணி டாஸ் வென்று பேட்டிங் செய்ய முடிவெடுத்துள்ளது. இதில் 8 விக்கெட்டுகள் இழப்புக்கு இந்திய அணி 129.2 ஓவர்களில் 574 ரன்கள் எடுத்து டிக்ளேர் செய்துள்ளது. அப்போது ரவீந்திர ஜடேஜா ஆட்டமிழக்காமல் 228 பந்துகளுக்கு 175 ரன்கள் குவித்துள்ளார். அதன்பின்பு விளையாடிய இலங்கை அணி அனைத்து விக்கெட்டுகளையும் 65 ஓவர்களில் இழந்து 174 ரன்கள் எடுத்துள்ளது. அதன்பின்பு 2 ஆவது இன்னிங்சிலும் இலங்கை அணி பெரிதாக சோபிக்காததையடுத்து இந்தியா 222 ரன்கள் வித்தியாசத்தில் அபார வெற்றி பெற்றுள்ளது.
இந்த போட்டிக்கு பிறகு பேசிய இந்த அணியின் கேப்டன் ரோகித் சர்மா ஜடேஜாவை புகழ்ந்துள்ளார். அவர் கூறியதாவது, ஜடேஜா இந்த போட்டியில் மிகவும் சிறப்பாக செயல்பட்டார் என்று கூறியுள்ளார். மேலும் அவர் 175 ரன்களில் இருந்தபோது ஆட்டத்தை டிக்ளேர் செய்ய முடிவெடுத்ததை அணியுடன் சேர்ந்து அவரும் அறிவித்துள்ளார். இதிலிருந்து அவர் ஒரு சுயநலமற்றவர் என்பதை காட்டுகிறது என தெரிவித்துள்ளார்.