இந்தியா-இலங்கை அணிகளுக்கிடையேயான 2-வது ஒரு நாள் கிரிக்கெட் போட்டி இன்று கொழும்பில் தொடங்குகிறது .
ஷிகர் தவான் தலைமையிலான 2-ம் தர இந்திய அணி இலங்கையில் சுற்றுப்பயணம் மேற்கொண்டு 3 ஒருநாள் மற்றும் 3 டி20 போட்டிகளில் விளையாடுகின்றது . இதில் இரு அணிகளுக்கு இடையேயான முதல் ஒருநாள் போட்டியில் 7 விக்கெட் வித்தியாசத்தில் இலங்கையை வீழ்த்தி இந்திய அணி அபார வெற்றி பெற்றது.இதன் மூலம் 1-0 என்ற கணக்கில் தொடரில் முன்னிலை வகிக்கிறது.இந்நிலையில் இரு அணிகளுக்கிடையேயான 2-வது ஒருநாள் போட்டியில் இன்று கொழும்பில் உள்ள பிரேமதசா மைதானத்தில் தொடங்குகிறது.
இதனால் முதல் போட்டியை போலவே அதிரடி காட்டி இந்திய அணி தொடரை கைப்பற்ற வேண்டும் என்ற முனைப்பில் களம் காணுகிறது.அதேசமயம் முதல் போட்டியில் தோல்வியடைந்த இலங்கை அணியும் வெற்றி பெறும் முனைப்புடன் இந்தப் போட்டியில் போராடும் .இதனால் இன்று நடைபெறும் போட்டியில் விறுவிறுப்புக்கு பஞ்சம் இருக்காது. இன்று பிற்பகல் 3 மணிக்கு தொடங்கும் இந்த போட்டியை சோனி சிக்ஸ் மற்றும் சோனி டென் சேனல்கள் நேரடி ஒளிபரப்பு செய்கிறது.