பள்ளியில் தமிழ் மற்றும் ஆங்கிலம் மட்டுமே படித்தேன் இந்தி படிக்கவில்லை என்று திமுக எம்.பி கனிமொழி கூறியுள்ளார்.
சென்னை விமான நிலையத்தில் இன்று திமுக எம்.பி கனிமொழி செய்தியாளர்களை சந்தித்தார்.அப்போது அவர் கூறுகையில், ” இந்தியரா என்று என்னிடம் கேள்வி கேட்ட பெண் காவலர் மீது நடவடிக்கை மேற்கொண்ட சி.ஐ.எஸ்.எப். அதிகாரிகளுக்கு நன்றி தெரிவித்து கொள்கிறேன். மேலும் நான் பள்ளியில் தமிழ், ஆங்கிலம் மட்டுமே படித்தேன். இந்தி தெரியாது என்று கூறிய போதும் இந்தி தெரிந்தால்தான் இந்தியர் என்று சொன்னது எனக்கு மிக பெரிய அவமானம்” என்று கூறியுள்ளார்.
மேலும் தமிழகத்தில் திமுகவுக்கும் பாஜகவுக்கும் இடையே தான் போட்டி என்று கூறிய பாஜக நிர்வாகி வி.பி. துரைசாமிக்கு பதில் அளித்த திமுக எம்.பி கனிமொழி, யார் வேண்டுமானாலும் கனவு காணலாம் என்று கூறியுள்ளார். தமக்கு இந்தி தெரியுமா, தெரியாதா என்பது முக்கியம் இல்லை என்றும் கனிமொழி கூறியுள்ளார்.