வியக்கத்தகு இந்தியாவின் மக்களுக்கு சுதந்திரதின வாழ்த்துக்கள் என்று இஸ்ரேல் பிரதமர் ட்விட்டரில் பதிவிட்டுள்ளார்.
இந்தியாவின் 74 வது சுதந்திர தினம் இன்று நாடு முழுவதும் கொண்டாடப்பட்டு வருகின்றது. இதனையொட்டி பல்வேறு நாட்டு தலைவர்களும் இந்தியாவிற்கு சுதந்திர தின வாழ்த்துக்களை தெரிவித்துக் கொண்டிருக்கின்றனர். இந்த நிலையில் இஸ்ரேல் பிரதமர் பெஞ்சமின் நெதன்யாகு இந்திய மக்களுக்கும், இந்திய பிரதமர் நரேந்திர மோடிக்கும் சுதந்திர தின வாழ்த்துக்களை தெரிவித்திருக்கிறார்.
இது குறித்து அவர் வெளியிட்டுள்ள டுவிட்டர் பதிவில், ” எனது நல்ல நண்பரான இந்திய பிரதமர் நரேந்திர மோடி அவர்களுக்கும், வியக்கத்தகு இந்தியாவின் அனைத்து குடிமக்களுக்கும் எனது மகிழ்ச்சி கரமான சுதந்திர தின வாழ்த்துக்களை தெரிவித்துக் கொள்கிறேன். நீங்கள் அனைவரும் பெருமை கொள்வதற்கு பல இருக்கின்றன” என்று பெஞ்சமின் பதிவிட்டுள்ளார்.