ஆப்கானிஸ்தான் அணிக்கு எதிரான ஆட்டத்தில் நியூசிலாந்து அணி வெற்றி பெற்றதன் மூலமாக அரையிறுதிக்கு முன்னேறியுள்ளது.
டி 20 உலக கோப்பை தொடரில் அபுதாபியில் இன்று நடந்த ஆட்டத்தில் ஆப்கானிஸ்தான்- நியூசிலாந்து .அணிகள் மோதின இதில் டாஸ் வென்ற ஆப்கானிஸ்தான் அணி பேட்டிங் தேர்வு செய்தது .அதன்படி முதலில் களமிறங்கிய ஆப்கானிஸ்தான் அணி 20 ஓவர் முடிவில் 8 விக்கெட் இழப்புக்கு 124 ரன்கள் குவித்தது. இதன் பிறகு 125 ரன்களை வெற்றி இலக்காக கொண்டு நியூசிலாந்து அணி களமிறங்கியது .இறுதியாக 18.1 ஓவரில் 2 விக்கெட் இழப்புக்கு 125 ரன்கள் குவித்து 8 விக்கெட் வித்தியாசத்தில் அபார வெற்றி பெற்றது. இதன்மூலம் 8 புள்ளிகளுடன் நியூசிலாந்து அணி முதலிடத்தை பிடித்து அரையிறுதிக்கு முன்னேறியுள்ளது .
இதனிடையே இப்போட்டியில் நியூசிலாந்து அணி வெற்றி பெற்றதன் மூலமாக இந்திய அணியின் டி20 உலகக்கோப்பை கனவு தகர்ந்தது .இதையடுத்து டி20 உலக கோப்பை தொடரில் ‘குரூப்-1’-ல் இடம்பிடித்த ஆஸ்திரேலியா,இங்கிலாந்து அணிகளும் , ‘குரூப் 2’-வில் இடம்பிடித்த பாகிஸ்தான் நியூசிலாந்து அணிகள் அரை இறுதிக்கு தகுதி பெற்றுள்ளன .இதில் நாளை துபாயில் நடக்கும் ‘சூப்பர் 12 ‘சுற்றில் கடைசி லீக் ஆட்டத்தில் இந்தியா நமீபியா அணிகள் பலப்பரீட்சை நடத்துகின்றன இப்போட்டி இந்திய அணியின் டி20 கேப்டனாக விராட் கோலி களமிறங்கும் கடைசி போட்டியாகும்.