இந்தியா – தென்னாப்பிரிக்கா அணிகளுக்கிடையேயான போட்டிகளுக்கு டிக்கெட் விற்பனை கிடையாது என தென்னாப்பிரிக்க கிரிக்கெட் வாரியம் தெரிவித்துள்ளது .
தென்ஆப்பிரிக்காவில் சுற்றுப்பயணம் மேற்கொண்டுள்ள இந்திய அணி 3 டெஸ்ட் மற்றும் 3 ஒருநாள் போட்டிகளில் விளையாடுகிறது .இதில் இரு அணிகளுக்கு இடையேயான முதல் டெஸ்ட் போட்டி வருகின்ற 26-ம் தேதி செஞ்சூரியனில் நடைபெறுகிறது .இந்த நிலையில் தென்னாப்பிரிக்கா கிரிக்கெட் போர்டு அறிக்கை ஒன்றில் தெரிவித்திருப்பதாவது,’ தற்போது அதிகரித்து வரும் கொரோனா வைரஸ் தொற்று காரணமாக கிரிக்கெட் ரசிகர்கள் மற்றும் அனைத்து விளையாட்டு போட்டி பிரியர்களுக்கும் தென்னாப்பிரிக்கா கிரிக்கெட் வாரியம் வருத்தத்துடன் இதனை தெரிவித்துக் கொள்கிறது .தற்போது உள்நாட்டில் கொரோனா வைரஸ் 4- வது அலையை கருத்தில் இரு கிரிக்கெட் சங்கங்களும் ஒரு கூட்டு முடிவை எடுத்துள்ளது .
இந்திய அணிக்கெதிரான போட்டிகளுக்கு டிக்கெட்டுகளை வழங்காமல் வீரர்களையும் இந்த சுற்றுப்பயணத்தையும் பாதுகாக்க முடிவு செய்துள்ளது. எனவே கொரோனா அச்சத்தை கருத்தில் கொண்டு சுற்றுப்பயணத்தில் எந்த விதிமீறல்கள் சமரசம் தவிர்க்கும் பொருட்டும் ஆபத்தில்லாத சுற்றுச்சூழலை பாதுகாக்கவும் இந்த முடிவு எடுக்கப்பட்டுள்ளது இந்நிலையில் இரு நாடுகளுக்கு இடையேயான போட்டி சூப்பர் ஸ்போர்ட்ஸ் மற்றும் எஸ்.ஏ.பி.சி. தளங்களில் ஒளிபரப்பு செய்யப்படும் என்பதை அனைத்து கிரிக்கெட் ரசிகர்களுக்கும் நினைவூட்ட விரும்புகிறோம்’ இவ்வாறு அந்த அறிக்கையில் தெரிவிக்கப்பட்டுள்ளது.