360 டிகிரியிலும் இந்தியாதான் டாப்…..!!

Adding one more glistening silverware to our 🏆🏆 cabinet #TeamIndia #PinkBallTest @Paytm pic.twitter.com/wKvQ7c0yTK

— BCCI (@BCCI) November 24, 2019

இந்நிலையில், கொல்கத்தாவில் நடைபெற்ற இரண்டாவது டெஸ்ட் போட்டியிலும் இந்திய அணி ஒரு இன்னிங்ஸ் மற்றும் 46 ரன்கள் வித்தியாசத்தில் வெற்றிபெற்று, 2-0 என்ற கணக்கில் தொடரை வென்றது. இந்த இன்னிங்ஸ் வெற்றியின் மூலம், தொடர்ச்சியாக நான்கு போட்டிகளிலும் இன்னிங்ஸ் வெற்றிகளை பதிவு செய்த ஒரே அணி என்ற சாதனையை இந்திய அணி படைத்துள்ளது. இந்த தொடர் மூலம் இந்திய அணி தனது சொந்த மண்ணில் தொடர்ந்து 12 தொடர்களை வென்று அசத்தியுள்ளது.

India continue their reign at the top in the ICC World Test Championship table. Their 2-0 series win over Bangladesh has taken them to 360 points.

Find out more 👇https://t.co/bm1f3p5oW0

— ICC (@ICC) November 24, 2019

இந்தத் தொடரில் வெற்றிபெற்றதால் இந்திய அணிக்கு 120 புள்ளிகள் கிடைத்தன. இதன் மூலம், ஐசிசி டெஸ்ட் சாம்பியன்ஷிப் பட்டியலில் இந்திய அணி விளையாடிய ஏழு போட்டிகளிலும் வெற்றிபெற்று 360 புள்ளிகளுடன் தொடர்ந்து முதலிடத்தில் உள்ளது. இந்திய அணிக்கு அடுத்தப்படியாக, ஆஸ்திரேலிய அணி 118 புள்ளிகளுடன் இரண்டாவது இடத்திலும், நியூசிலாந்து, இலங்கை அணிகள் தலா 60 புள்ளிகளுடன் மூன்றாவது நான்காவது இடத்தில் உள்ளன.

மறுமுனையில், இந்தியாவுக்கு எதிரான டெஸ்ட் தொடரில் விளையாடிய வெஸ்ட் இண்டீஸ், தென் ஆப்பிரிக்கா, வங்கதேசம் ஆகிய அணிகள் இன்னும் புள்ளிகளை பெறாமல் தரவரிசைப் பட்டியலில் கடைசி மூன்று இடத்தில் உள்ளன.