‘இந்தியன் 2’ மீண்டும் எப்போது தொடங்கும் ?… இயக்குனர் ஷங்கர் விளக்கம்…!!!

‘இந்தியன் 2’ படத்தின் படப்பிடிப்பு மீண்டும் எப்போது தொடங்கும் என்பது குறித்து இயக்குனர் ஷங்கர் விளக்கமளித்துள்ளார்.

தமிழ் திரையுலகில் முன்னணி இயக்குனராக வலம் வரும் சங்கர் பல பிரம்மாண்டமான படங்களை இயக்கி தொடர் வெற்றிகளை கொடுத்தவர் . இவர் இயக்கத்தில் வெளியான காதலன், ஜென்டில்மேன், இந்தியன், ஜீன்ஸ் ,முதல்வன், அந்நியன், சிவாஜி, நண்பன், எந்திரன் உள்ளிட்ட திரைப்படங்கள் ஹிட் அடித்தது. இதையடுத்து இயக்குனர் ஷங்கர் நடிகர் கமல்ஹாசன் நடிக்கும் ‘இந்தியன்2’ படத்தை இயக்கி வந்தார் . இந்தப் படத்தின் முதல்கட்ட படப்பிடிப்பு நிறைவடைந்தது . தற்போது நடிகர் கமல்ஹாசன் அரசியல் கட்சி தொடங்கி தேர்தலுக்கு தயாராகி வருவதால் இந்த படத்தின் படப்பிடிப்பு தற்காலிகமாக நிறுத்தி வைக்கப்பட்டுள்ளது .

இதனிடையே இயக்குனர் ஷங்கர் தெலுங்கு நடிகர் ராம்சரண் கதாநாயகனாக நடிக்கும் ஒரு பிரம்மாண்ட படத்தை இயக்க இருக்கிறார் . தமிழ் ,ஹிந்தி, தெலுங்கு மொழிகளில் உருவாகும் இந்தப் படத்தை தெலுங்கு பட அதிபர்கள் தில் ராஜூ, சிரிஸ் ஆகியோர் தயாரிக்கின்றனர் . இந்நிலையில் இந்தியன் 2 படப்பிடிப்பு மீண்டும் எப்போது தொடங்கும்  என்பது குறித்து இயக்குனர் ஷங்கர் விளக்கமளித்துள்ளார் . இது குறித்து அவர் ‘ராம்சரண் படம் குறுகிய கால தயாரிப்பாக இருக்கும். அதற்குள் தேர்தல் பணிகள் முடிவடைந்துவிடும் . இதன்பின் இந்தியன் 2 படத்தின் அடுத்தகட்ட படப்பிடிப்பு தொடங்கும் . அதில் கமல்ஹாசன் கலந்துகொண்டு நடிப்பார்’ என்று கூறியுள்ளார் .