இந்தியாவில் தற்போது 60 வயது மேற்பட்டோர் மற்றும் 45 வயதினருக்கு கொரோனா தடுப்பூசி போடப்பட்டு வருகிறது.
இந்தியாவில் இந்த ஆண்டு தொடக்கத்திலிருந்தே , கோவிஷீல்டு மற்றும் கோவாக்சின் போன்ற 2 தடுப்பூசிகள் பொதுமக்களுக்கு போடப்பட்டு வருகிறது. இந்த தடுப்பூசியை பொதுமக்கள் ,அரசியல் கட்சி தலைவர்கள் மற்றும் பிரபலங்கள் ஆர்வத்துடன் செலுத்தி கொண்டு வருகின்றனர். இந்தியாவில் இதுவரை சுமார் 3 கோடி மக்களுக்கு தடுப்பூசி போடப்பட்டுள்ளது.
தற்போது 60 வயது மேற்பட்டோர் மற்றும் 45 வயதிற்கு உட்பட்ட இணை நோய் உள்ளவர்களுக்கு, தடுப்பூசி போடப்பட்டு வருகிறது. எனவே அடுத்த மாதம் 1-ஆம் தேதியிலிருந்து 45 வயது மேற்பட்டோருக்கு கொரோனா தடுப்பூசி செலுத்தும் பணி நடைபெற உள்ளது. இந்தக் குறிப்பிட்ட வயது பிரிவில் உள்ள பொதுமக்கள் , விரைவாக தடுப்பூசியை செலுத்திக் கொள்ளுமாறு மத்திய அமைச்சரான பிரகாஷ் ஜவடேகர் கேட்டுக்கொண்டார்.