இந்தோனேசிய மாஸ்டர்ஸ் பேட்மிண்டன் தொடரில் இன்று நடந்த ஆட்டத்தில் வெற்றி பெற்ற பி.வி.சிந்து காலிறுதிக்கு முன்னேறியுள்ளார்.
இந்தோனேசிய மாஸ்டர்ஸ் பேட்மிண்டன் போட்டி இந்தோனேஷியாவில் உள்ள பாலி நகரில் நடந்து வருகிறது .இதில் இன்று நடந்த ஆட்டத்தில் இந்தியாவின் பி.வி.சிந்து ஸ்பெயின் வீராங்கனை கிளாரா அசுர்மெண்டியை எதிர்த்து மோதினார்.உலக மகளிர் பேட்மிண்டன் தரவரிசையில் 47-வது இடத்தில் உள்ள அசுர்மெண்டி ,முதல்முறையாக இன்றைய ஆட்டத்தில் தரவரிசையில் 3-வது இடத்தில் உள்ள பி.வி.சிந்து வை எதிர்கொண்டார்.
இப்போட்டியில் நடந்த முதல் சுற்றில் 17-21 செட் என்ற கணக்கில் பி.வி.சிந்து இழந்தார் .இதன் பிறகு சுதாரித்துக் கொண்ட சிந்து அடுத்த இரண்டு செட்களை 21-7 , 21-12 என்ற கணக்கில் கைப்பற்றினார். இறுதியாக 17-21, 21-7 , 21-12 என்ற நேர் செட் கணக்கில் வெற்றி பெற்ற பி.வி.சிந்து காலிறுதிக்கு முன்னேறியுள்ளார். இதையடுத்து நடைபெறும் காலிறுதி ஆட்டத்தில் துருக்கியை சேர்ந்த ஷட்லர் நெஸ்லிஹான்யிகியுடன்,பி.வி.சிந்து மோத உள்ளார்.