இந்தியா – ஆஸ்திரேலியா அணிகளுக்கு இடையேயான 2ஆவது டி20 போட்டி ஆடுகளத்தின் ஈரப்பதம் காரணமாக டாஸ் போடுவது நிறுத்தி வைக்கப்பட்டுள்ளது.
இந்தியாவுக்கு வந்துள்ள ஆரோன் பிஞ்ச் தலைமையிலான ஆஸ்திரேலிய அணி 3 போட்டிகள் கொண்ட டி20 தொடரில் பங்கேற்று விளையாடி வருகிறது. இதில் மொகாலியில் கடந்த 20 ஆம் தேதி நடைபெற்ற முதல் டி20 போட்டியில் இந்திய அணியை 4 விக்கெட் வித்தியாசத்தில் வீழ்த்திய ஆஸ்திரேலிய அணி 1- 0 என்ற கணக்கில் முன்னிலை வகித்து வருகிறது.
இந்த நிலையில் இந்தியா – ஆஸ்திரேலியா அணிகள் மோதும் 2ஆவது டி20 போட்டி மகாராஷ்டிரா மாநிலம் நாக்பூரில் இன்று 7 மணிக்கு நடைபெறுவதாக இருந்தது. வழக்கமாக 6:30 மணிக்கு டாஸ் போடப்படும் நிலையில், இதற்கிடையே நேற்று பெய்த பலத்த கனமழையின் காரணமாக ஆடுகளம் ஈரப்பதத்துடன் காணப்படுகிறது. இதனை சரிசெய்யும் பணியில் மைதான ஊழியர்கள் ஈடுபட்டு வருகின்றனர்..
இந்தப்போட்டி தற்போது மைதானத்தின் ஈரமான அவுட்பீல்டு காரணமாக தாமதமாகிறது. ஆன்-பீல்ட் அம்பயர்களும் 4ஆவது நடுவரும் இரவு 7 மணிக்கு ஆடுகளத்தை ஆய்வு செய்து, டாஸ் போட முடியாது என்ற முடிவுக்கு வந்தனர். அதனைதொடர்ந்து அவர்கள் அடுத்த ஆய்வை இரவு 8 மணிக்கு செய்தனர். அதன்பின் போட்டி நடுவர்கள் மைதானத்தை பார்த்துவிட்டு 8:45 மணிக்கு கூறுவதாக தெரிவித்தனர். எனவே 8:45 மணிக்கு பிறகே போட்டி நடைபெறுமா என்பது தெரிய வரும்.
Next inspection at 8.45 PM IST#INDvAUS https://t.co/Dyy8iJ0vLE
— BCCI (@BCCI) September 23, 2022
Listen in to what the umpires have to say about the possibility of play today.#INDvAUS pic.twitter.com/wznhbQfmID
— BCCI (@BCCI) September 23, 2022