இந்தியா – இங்கிலாந்து இடையே ரத்து செய்யப்பட்ட 5வது டெஸ்ட் போட்டி அடுத்த ஆண்டு ஜுலையில் நடக்கிறது.
இந்திய அணி இங்கிலாந்தில் சுற்றுப்பயணம் மேற்கொண்டு கடந்த மாதம் 5 போட்டிகள் கொண்ட டெஸ்ட் தொடரில் விளையாடியது .இதில் 4 போட்டிகள் முடிந்த நிலையில், இந்திய அணி 2-1 என்ற கணக்கில் முன்னிலையில் இருந்தது. இதையடுத்து இரு அணிகளுக்கு இடையேயான 5-வது டெஸ்ட் போட்டி நடைபெற இருந்தது. ஆனால் போட்டிக்கு முன் இந்திய அணி பயிற்சியாளர்கள் , பிசியோதெரபிஸ்ட் ஆகியோருக்கு கொரோனா தொற்று பாதிப்பு ஏற்பட்டது. இதனால் இந்திய வீரர்கள் விளையாட தயக்கம் காட்டியதால் 5-வது டெஸ்ட் போட்டி ரத்து செய்யப்பட்டது.
அதோடு போட்டியின் வெற்றியாளர் யார் என அறிவிக்கப்படாமல் ஒத்திவைக்கப்பட்டது. இந்த சூழலில் இந்தியா – இங்கிலாந்து அணிகளுக்கு இடையிலான 5-வது டெஸ்ட் போட்டி அடுத்த ஆண்டு நடைபெறும் என தகவல் வெளியானது. இந்நிலையில் இந்தியா – இங்கிலாந்து இடையே ரத்து செய்யப்பட்ட 5வது டெஸ்ட் போட்டி அடுத்த ஆண்டு ஜுலையில் நடைபெறும் என இங்கிலாந்து கிரிக்கெட் வாரியம் அறிவித்துள்ளது.
The fifth match of our Men's LV= Insurance Test Series against India has been rescheduled and will now take place in July 2022.
— England Cricket (@englandcricket) October 22, 2021