முன்னாள் கிரிக்கெட் வீரரான வி.வி.எஸ் லக்ஷ்மன் பாகிஸ்தான் அணிக்கு எதிராக விளையாடும் பிளேயிங் லெவன் அணியை தேர்வு செய்துள்ளார்.
டி-20 உலகக் கோப்பை கிரிக்கெட் தொடர் ஐக்கிய அரபு அமீரகம் மற்றும் ஓமன் இல் தற்போது விறுவிறுப்பாக நடைபெற்று வருகிறது.. விராட் கோலி தலைமையிலான இந்திய அணி கடந்த 18ஆம் தேதி நடைபெற்ற பயிற்சி போட்டியில் இங்கிலாந்து அணியை 7 விக்கெட் வித்தியாசத்தில் வென்றது.. அதனை தொடர்ந்து நேற்று ஆஸ்திரேலிய அணியை 9 விக்கெட் வித்தியாசத்தில் அபாரமாக வென்றது.. இந்நிலையில் குரூப் 12 சுற்றில் வரும் 24ஆம் தேதி பாகிஸ்தான் அணியுடன் மோதுகிறது இந்திய அணி. பாகிஸ்தான் அணியை இந்தியா கட்டாயம் வெல்லும் என்று பலரும் தங்களது கருத்துக்களை கூறி வருகின்றனர்..
அதே சமயம் பாகிஸ்தான் அணியிடம் விளையாடும் இந்திய அணியின் பிளேயிங் 11ஐ உத்தேசமாக கணித்து கூறி வருகின்றனர்.. அந்த வகையில் தற்போது முன்னாள் கிரிக்கெட் வீரரான வி.வி.எஸ் லக்ஷ்மன் பாகிஸ்தான் அணிக்கு எதிராக விளையாடும் பிளேயிங் லெவன் அணியை தேர்வு செய்துள்ளார்.. அதாவது, இந்திய அணியின் தொடக்க ஆட்டக்காரர்களாக கே எல் ராகுல் மற்றும் ரோஹித் சர்மாவையும், 3ஆவது வீரராக கேப்டன் விராட் கோலி மற்றும் 4ஆவது மிடில் ஆர்டராக சூர்யகுமார் யாதவ், 5 ஆவது வீரராக ரிஷப் பன்டையும் தேர்ந்தெடுத்துள்ளார்.
மேலும் ஆல்ரவுண்டர் பிளேயராக ஹர்திக் பாண்டியா மற்றும் ரவீந்திர ஜடேஜா ஆகிய 2 பேரை தேர்ந்தெடுத்துள்ள லக்ஷ்மன் வேகப்பந்து வீச்சாளர்களாக புவனேஷ்வர் குமார் மற்றும் ஜஸ்பிரித் பும்ரா ஆகியோரை தேர்வு செய்துள்ளார்.. ஷமியை அவர் தேர்வு செய்யவில்லை .. மேலும் சுழல் பந்து வீச்சாளராக ராகுல் சஹர், வருண் சக்கரவர்த்தி ஆகியோரை தேர்ந்தெடுத்துள்ள லக்ஷ்மன் ரவிச்சந்திரன் அஸ்வினை தேர்ந்தெடுக்கவில்லை என்பது குறிப்பிடத்தக்கது.
வி.வி.எஸ் லக்ஷ்மன் தேர்வு செய்துள்ள இந்திய அணி இதுதான் :
1. ரோகித் சர்மா
2. கே.எல் ராகுல்
3. விராட் கோலி
4. சூர்யகுமார் யாதவ்
5. ரிஷப் பன்ட்
6. ஹர்திக் பாண்டியா
7. ரவீந்திர ஜடேஜா
8. ராகுல் சாஹர்
9. வருண் சக்கரவர்த்தி
10. ஜஸ்பிரிட் பும்ரா
11. புவனேஸ்வர் குமார்