நாடாளுமன்ற தேர்தலில் போட்டியிடும் தேமுதிக வேட்பாளர் நேர்காணல் மார்ச் 13ம் தேதி விஜயகாந்த் முன்னிலையில் நடைபெறுகின்றது .
தேமுதிக அதிமுக இடையேயான கூட்டணி தொடர்ந்து பல்வேறு கட்டங்களாக பேச்சுவார்த்தைக்கு பின் நீண்ட இழுபறிக்குப் பிறகு நேற்று இரவு அதிமுக தேமுதிக கூட்டணி ஒப்பந்தமாகி இறுதியானது. இதில் தேமுதிகவிற்கு 4 தொகுதிகள் ஒதுக்கப்பட்டுள்ளது . 4 தொகுதி -கள் என்னென்ன தொகுதிகள் என்று இறுதி முடிவு அறிவிக்கப்படவில்லை . இந்நிலையில் தேமுதிக விருப்ப மனு அளித்து அவர்களிடம் நேர்காணல் நடைபெறுவதற்கான அறிக்கையானது வெளியிடப்பட்டுள்ளது . தேமுதிக சார்பில் வருகின்ற நாடாளுமன்றத் தேர்தலில் போட்டியிட விருப்ப மனு கடந்த 24 ஆம் தேதியன்று வழங்கப்பட்டு மார்ச் 6ம் தேதி விருப்ப மனு வழங்க கடைசி நாளாக அறிவிக்கப்பட்டு இருந்தது. இந்நிலையில் தேமுதிக சார்பாக தேர்தலில் போட்டியிட 500க்கும் மேற்பட்டவர்கள் இந்த விருப்ப மனுவை தாக்கல் செய்தனர் .
இந்நிலையில் வருகின்ற 13 ஆம் தேதி விஜயகாந்த் தலைமையில் நேர்காணல் நடைபெற இருப்பதாக அறிக்கை வெளியிடப்பட்டிருக்கிறது . அந்த அறிக்கையில் தனித் தொகுதியில் போட்டியிட விருப்ப மனு அளித்தவர்கள் அவர்கள் சாதி சான்றிதழ் மற்றும் கழகத்தின் உறுப்பினர் அட்டையாள அட்டை மற்றும் வாக்காளர் அடையாள அட்டை கொண்டு வர வேண்டும் என்று தெருவிக்கப்பட்டுள்ளது . சுமார் 40 தொகுதிகளுக்கும் விருப்ப மனு அளித்தவர்களுக்கு வருகின்ற 13ம் தேதி ஒரே கட்டமாக காலை தொடங்கி மாலை வரை விஜயகாந்த் தலைமையில் நேர்காணல் நடைபெறும் என்று தெரிவிக்கப்படுகின்றது .