ஐபிஎல் தொடரில் இன்று நடைபெறும் 37-வது லீக் ஆட்டத்தில் சன்ரைசர்ஸ் ஹைதராபாத் – பஞ்சாப் கிங்ஸ் அணிகள் பலப்பரீச்சை நடத்துகின்றன .
14 வது சீசன் ஐபிஎல் தொடரின் இரண்டாவது பாதி ஆட்டம் ஐக்கிய அரபு அமீரகத்தில் விறுவிறுப்பாக நடைபெற்று வருகிறது. இதில் இன்று நடைபெறும் 37-வது லீக் ஆட்டத்தில் சன்ரைசர்ஸ் ஹைதராபாத் – பஞ்சாப் கிங்ஸ் அணிகள் மோதுகின்றன. இதுவரை 8 போட்டிகளில் விளையாடியுள்ள ஹைதராபாத் அணி 7 தோல்வி, 1 வெற்றியுடன் புள்ளி பட்டியலில் கடைசி இடத்தில் உள்ளது .இதையடுத்து 9 போட்டியில் விளையாடியுள்ள பஞ்சாப் அணி 3 வெற்றி , 6 தோல்வி என புள்ளி பட்டியலில் 7- வது இடத்தில் உள்ளது.
இதற்கு முன்னதாக ராஜஸ்தான் அணிக்கு எதிரான ஆட்டத்தில் வெற்றி பெறும் நிலையில் இருந்த பஞ்சாப் அணி 2 ரன் வித்தியாசத்தில் அதிர்ச்சி தோல்வியடைந்தது .அதேபோல் தொடர்ந்து தோல்வியை சந்தித்து வரும் ஹைதராபாத் அணி இன்றைய போட்டியிலாவது வெற்றி பெறுமா என எதிர்பார்க்கப்படுகிறது .இதனால் இன்றைய போட்டியில் வெற்றி வாய்ப்பு யாருக்கு கிட்டும் என ரசிகர்களிடையே எதிர்பார்ப்பை ஏற்படுத்தியுள்ளது. இந்திய நேரப்படி இப்போட்டி இன்று இரவு 7.30 மணிக்கு தொடங்குகிறது.