ஐபிஎல் 15 வது சீசன் தற்போது நடந்து கொண்டிருக்கிறது. அதில் இன்றைய ஐபிஎல் ஆட்டத்தில் குஜராத் மற்றும் ராஜஸ்தான் அணிகள் மோதுகின்றன. இரு அணிகளும் ஆடிய 4 ஆட்டங்களில் 3 வெற்றிகளைப் பதிவு செய்துள்ளன. இந்த ஆட்டத்தில் இன்று வெற்றி பெறும் அணி புள்ளிகள் பட்டியலில் முதல் இடத்திற்கு முன்னேறும். குஜராத்தின் கேப்டன் ஹர்திக் மற்றும் கில் ஆகியோர் நல்ல ஃபார்மில் உள்ளனர்.
அதேசமயம் மறுமுனையில் ராஜஸ்தானின் பட்லர், சஹால் ஆகியோர் பேட்டிங் மற்றும் பவுலிங்கில் முறையே அசத்தி வருகின்றனர். எனவே இந்த போட்டி இன்று விறுவிறுப்பாக இருக்கும் என்று எதிர்பார்க்கப்படுகிறது. இன்று வெற்றி யாருக்கு என்று ரசிகர்கள் அனைவரும் மிகுந்த ஆவலுடன் காத்திருக்கின்றனர்.