15-வது சீசன் ஐபிஎல் தொடரில் அனைத்து போட்டிகளும் மும்பையில் நடந்த பிசிசிஐ முடிவு செய்துள்ளது .
15-வது சீசன் ஐபிஎல் தொடர் வருகின்ற ஏப்ரல், மே மாதங்களில் இந்தியாவில் நடத்த திட்டமிடப்பட்டுள்ளது. மேலும் இந்த சீசனில் லக்னோ ,அகமதாபாத் ஆகிய இரண்டு புதிய அணிகள் பங்கேற்க உள்ளன. இதனால் இந்த சீசன் ஐபிஎல் தொடரில் 10 அணிகள் விளையாட உள்ளது. இந்நிலையில் ஐபிஎல் தொடருக்கான மெகா ஏலம் அடுத்த மாதம் பிப்ரவரி 12 மற்றும் 13 ஆம் தேதி பெங்களூரில் நடைபெறுகிறது. இந்த நிலையில் நாடு முழுவதும் தற்போது கொரோனா வைரஸ் பரவல் வேகமாக பரவி வருகிறது.இதனால் ஐபிஎல் போட்டிகளை ஒரே இடத்தில் நடத்த பிசிசிஐ திட்டமிட்டுள்ளது.
அதேசமயம் வீரர்களின் பாதுகாப்பை கருத்தில் கொண்டு 2-வது திட்டம் தயாரிக்கப்பட்டுள்ளது. இதனால் போட்டி நடைபெறும் காலகட்டத்தில் கொரோனா நிலையை கருத்தில் கொண்டு 2-வது திட்டம் செயல்படுத்தப்படும். அதன்படி அனைத்து ஐபிஎல் போட்டிகளும் மும்பையில் நடந்த பிசிசிஐ முடிவு செய்துள்ளது. மேலும் அங்குள்ள வான்கடே மைதானம், பிரபோர்ன் ஸ்டேடியம், டி.ஒய்.பட்டீல் ஸ்டேடியம் ஆகிய 3 மைதானங்களில் நடத்த திட்டமிடப்பட்டுள்ளது .மேலும் இந்த ஆண்டுக்கான ஐபிஎல் தொடர் ஏப்ரல் மாதம் 12-ஆம் தேதி தொடங்கும் என எதிர்பார்க்கப்படுகிறது.