ஐபிஎல் போட்டியில் வீரர்களுக்கு கொரோனா தொற்று ஏற்பட்டதால், போட்டிகள் தற்காலிகமாக ஒத்தி வைக்கப்பட்டுள்ளது.
ஐபிஎல் தொடரில் பங்கு பெற்றுள்ள வெளிநாட்டு வீரர்கள் ,தங்கள் சொந்த ஊருக்கு செல்வதற்கான ஏற்பாடுகளை, பிசிசிஐ மேற்கொண்டு வருகிறது. இதில் இங்கிலாந்து, தென் ஆப்பிரிக்கா உள்ளிட்ட வெளிநாட்டு வீரர்கள், தங்கள் நாட்டிற்கு திரும்பியுள்ளனர். ஆனால் ஆஸ்திரேலியா 15 ம் தேதி வரை, இந்தியாவுடனான விமான போக்குவரத்திற்கு , தடை விதித்துள்ளது. இதனால் ஐபிஎல் போட்டியில் இடம்பெற்றுள்ள, ஆஸ்திரேலிய வீரர்கள் நாடு திரும்ப முடியாமல் தவித்து வருகின்றனர். இதனால் ஆஸ்திரேலிய வீரர்கள் நேற்று ,மாலத்தீவுக்கு தனி விமானம் மூலம் சென்றுள்ளனர்.
அங்கு சிறிது நாட்கள் ஓய்வுக்குப் பின், அங்கிருந்து விமானம் மூலம் ஆஸ்திரேலியாவிற்கு திரும்ப உள்ளனர். இந்நிலையில் சிஎஸ்கே அணியில் ஆஸ்திரேலியா பயிற்சியாளரான மைக் ஹஸ்ஸிக்கு தொற்று பாதிப்பு ஏற்பட்டதால் ,அவர் சிகிச்சை முடிந்தபின் ‘நெகட்டிவ்’ முடிவு வந்தவுடன் நாடு திரும்புவார். இதைத்தொடர்ந்து சிஎஸ்கே அணியின் பவுலிங் பயிற்சியாளரான, எல் .பாலாஜி , மைக் ஹஸ்ஸி இருவரும் டெல்லியிலிருந்து ஆம்புலன்ஸ் விமானத்தின் மூலமாக நேற்று சென்னைக்கு அழைத்துவர பட்டு , சிகிச்சை அளித்து வருகின்றனர்.