அயர்லாந்து அணியை சேர்ந்த இளம் வேகப்பந்து வீச்சாளர் கர்டிஸ் கேம்பர் என்பவர் தொடர்ந்து 4 பந்துகளில் 4 விக்கெட்டை வீழ்த்தி அசத்தியிருக்கிறார்.
T-20 உலக கோப்பையில் சூப்பர் 12 சுற்றுக்கு தகுதி பெறுவதற்கான முதல் சுற்று போட்டிகள் ஐக்கிய அரபு அமீரகம் மற்றும் ஓமனில் நேற்று முதல் தொடங்கி நடைபெற்று வருகின்றது.. நேற்று ஓமனில் நடந்த தகுதி சுற்று போட்டியில் வங்கதேச அணியை வீழ்த்தி ஸ்காட்லாந்து அணி அதிர்ச்சியளித்தது.. இப்படி பரபரப்பாக ஒவ்வொரு அணியும் சூப்பர் 12 சுற்றில் இடம்பெற போட்டி போடும் நிலையில், இன்று நெதர்லாந்து மற்றும் அயர்லாந்து அணிகளுக்கு இடையேயான தகுதி சுற்று போட்டி நடைபெற்றது..
இதில் டாஸ் வென்ற நெதர்லாந்து அணி பேட்டிங் தேர்வு செய்து களமிறங்கியது.. இப்போட்டியில் நெதர்லாந்து அணி 20 ஓவர் முடிவில் 10 விக்கெட் இழந்து 106 ரன்கள் மட்டுமே அடித்தது.. பின்னர் ஆடிய அயர்லாந்து அணி 15.1 ஓவரில் 3 விக்கெட் மட்டுமே இழந்து 107 ரன்களை எடுத்து வெற்றி பெற்றது. இதனால் 7 விக்கெட் வித்தியாசத்தில் அபார வெற்றி பெற்றுள்ளது அயர்லாந்து அணி.
இந்த போட்டியில் அயர்லாந்து அணியை சேர்ந்த இளம் வேகப்பந்து வீச்சாளர் கர்டிஸ் கேம்பர் என்பவர் 10ஆவது ஓவரை வீசினார்.. அந்த ஓவரில் 2, 3, 4, 5 ஆகிய பகுதிகளில் விக்கெட்டை வீழ்த்தி அசத்தினார்,, அதாவது தொடர்ந்து 4 பந்துகளில் 4 விக்கெட்டை வீழ்த்தி அசத்தியிருக்கிறார். அதுமட்டுமில்லை, அயர்லாந்து அணிக்காக டி20 உலக கோப்பை தொடரில் முதல் ஹாட்ரிக் விக்கெட் வீழ்த்தி அபார சாதனை படைத்துள்ளார் கர்டிஸ் கேம்பர்..
இதற்கு முன்னதாக இலங்கை அணியை சேர்ந்த லசித் மலிங்கா, ஆப்கானிஸ்தான் அணியை சேர்ந்த ரசித் கான் ஆகியோர் 4 விக்கெட்டுகளை தொடர்ச்சியாக வீழ்த்தி சாதனை படைத்த நிலையில் அந்த வரிசையில், 22 வயது மட்டுமே ஆன அயர்லாந்து அணி வீரர் இணைந்துள்ளார்.. இந்த போட்டியில் 4 ஓவரை வீசிய அவர் 26 ரன்கள் விட்டுக் கொடுத்து 4 விக்கெட்டுகளை எடுத்துள்ளார் என்பது குறிப்பிடத்தக்கது. 4 விக்கெட் வீழ்த்திய இளம்வீரருக்கு வாழ்த்துக்கள் குவிந்து வருகிறது..
22 year old Campher becomes 1st bowler to achieve 4 in 4 in T20 World Cups. #T20WorldCup || #IREvNED . https://t.co/JODPpHDmAu
— Jon | Michael | Tyrion (@tyrion_jon) October 18, 2021