‘விவாடெக்’ என்ற பிரம்மாண்டமான டிஜிட்டல் நிகழ்ச்சியில் பிரதமர் நரேந்திர மோடி கலந்து கொண்டார் .
பாரிஸ் நகரில் பிரம்மாண்டமாக நடைபெறும் டிஜிட்டல் நிகழ்ச்சியான விவாடெக்கின் 5-வது நிகழ்ச்சியில் பிரதமர் நரேந்திர மோடி காணொளி முலமாக கலந்துகொண்டு உரையாற்றினார். இந்த ‘விவாடெக்’ டிஜிட்டல் நிகழ்ச்சி கடந்த 2014ஆம் ஆண்டு முதல் பாரிஸ் நகரத்தில் ஒவ்வொரு வருடமும் நடைபெறும் .இது ஐரோப்பாவின் பிரமாண்ட டிஜிட்டல் நிகழ்ச்சியாகும்.
இந்த நிகழ்ச்சியில் பிரான்ஸ் நாட்டு அதிபர் இமானுவேல் மேக்ரான் மற்றும் ஸ்பெயின் நாட்டு பிரதமர் பெட்ரோ சான்சே, உட்பட ஐரோப்பிய நாடுகளைச் சேர்ந்த அமைச்சர்களும் , நாடாளுமன்ற உறுப்பினர்களும் கலந்து கொண்டனர் .இவர்களுடன் ஆப்பிள் நிறுவனத்தின் தலைவர் டிம் குக், பேஸ்புக் நிறுவனத்தின் தலைவர் மார்க் ஜுகர்பெர்க் மற்றும் மைக்ரோசாஃப்ட் நிறுவனத்தின் அதிபரான பிராட் ஸ்மித் உள்ளிட்ட பெரு நிறுவனங்களின் தலைவர்களும் இதில் கலந்து கொண்டனர் .