இருசக்கர வாகனம் மோதியதில் முதியவர் உயிரிழந்த சம்பவம் சோகத்தை
ஏற்படுத்தியுள்ளது.
புதுக்கோட்டை மாவட்டத்திலுள்ள ஒணாங்குடி பகுதியில் பழனியப்பன் என்ற முதியவர் வசித்து வந்துள்ளார். இந்நிலையில் வெளியூருக்கு சென்று வந்த பழனியப்பன் ஒணாங்குடி பேருந்து நிறுத்தத்தில் இருந்து சாலையை கடக்க முயன்றுள்ளார். அப்போது எதிரே வந்த இருசக்கர வாகனமானது பழனியப்பன் மீது பலமாக மோதியுள்ளது.
இதில் பலத்த காயமடைந்த பழனியப்பனை அருகில் இருந்தவர்கள் மீட்டு சிகிச்சைக்காக புதுக்கோட்டை அரசு மருத்துவமனையில் அனுமதித்துள்ளனர். ஆனால் அங்கு அளிக்கப்பட்ட சிகிச்சை பலனின்றி பழனியப்பன் பரிதாபமாக உயிரிழந்துவிட்டார். இதுகுறித்து வழக்கு பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.