இருசக்கர வாகனத்தில் சென்று கொண்டிருக்கும் போது தவறி விழுந்த பெண் மீது லாரி ஏறி தலை நசுங்கி இறந்த சம்பவம் சோகத்தை ஏற்படுத்தியுள்ளது.
கள்ளக்குறிச்சி மாவட்டத்தில் உள்ள மணலூர் நடுத்தெருவில் ரத்தினாம்மாள் என்பவர் வசித்து வந்துள்ளார். இந்நிலையில் ரத்தினாம்மாள் ராவத்தநல்லூர் பகுதியில் இருந்து மணலூருக்கு நடந்து சென்று கொண்டிருக்கும் போது அவ்வழியாக இருசக்கர வாகனத்தில் வந்தவரிடம் லிப்ட் கேட்டு ஏறி சென்றுள்ளார். அப்போது பிரம்ம குண்டம் அருகாமையில் வந்து கொண்டிருந்த நிலையில் எதிரே வந்த லாரி மீது இருசக்கர வாகனம் மோதியது.
இந்த விபத்தில் இரு சக்கர வாகனத்தில் இருந்து தவறி விழுந்த ரத்தினாம்மாள் மீது லாரியின் டயர் ஏறி இறங்கியதில் அவர் தலை நசுங்கி சம்பவ இடத்திலேயே பரிதாபமாக உயிரிழந்துள்ளார். இதுபற்றி தகவல் அறிந்த காவல்துறையினர் ரத்தினாம்மாளின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் தீவிர விசாரணை நடத்தி வருகின்றனர்.