தமிழ் சினிமாவில் உச்ச நட்சத்திரமாக ஜொலிக்கும் நடிகர் விஜய் தற்போது வம்சி இயக்கத்தில் வாரிசு என்ற திரைப்படத்தில் நடித்து வருகிறார். இந்த படத்தில் ராஷ்மிகா மந்தனா ஹீரோயினாக நடிக்க, அடுத்த வருடம் பொங்கல் பண்டிகையை முன்னிட்டு படம் ரிலீஸ் ஆகிறது. இந்த படத்திற்கு பிறகு நடிகர் விஜய் இயக்குனர் லோகேஷ் கனகராஜ் இயக்கத்தில் தளபதி 67 திரைப்படத்தில் நடிக்கிறார். இந்த படத்தின் பூஜை அண்மையில் தொடங்கப்பட்டதாக கூறப்படும் நிலையில் ஒரு புகைப்படம் கூட இதுவரை வெளியாகவில்லை.
இந்நிலையில் நடிகர் விஜய் தளபதி 67 திரைப்படத்தில் 50 வயது தாதாவாக நடிக்க இருப்பதாக கூறப்பட்ட நிலையில், அர்ஜுன் வில்லனாக நடிக்க இருக்கிறாராம். அதன் பிறகு த்ரிஷா கதாநாயகியாக நடிக்க இருப்பதாக கூறப்பட்ட நிலையில், தற்போது பிரியா ஆனந்த் முக்கிய வேடத்தில் நடிப்பதற்கு தளபதி 67 திரைப்படத்தில் ஒப்பந்தமாகியுள்ளதாக ஒரு புதிய தகவல் வெளியாகியுள்ளது. மேலும் தளபதி 67 திரைப்படம் குறித்து அடுத்தடுத்து அப்டேட்டுகளால் படத்தின் மீதான எதிர்பார்ப்பு ரசிகர்கள் மத்தியில் அதிகரித்துள்ளது.