கொரோனா வைரஸ் அச்சம் காரணமாக ஐஎஸ்எல் கால்பந்து இறுதி போட்டியில் பார்வையாளர்களுக்கு அனுமதியில்லை என்று அறிவிக்கப்பட்டுள்ளது.
சீனா தொடங்கி உலக நாடுகள் முழுவதும் பரவி வரும் கொரோனா வைரஸ் தொற்று இந்தியாவிலும் வேகமாக பரவி வருகின்றது. உலகம் முழுவதும் 4 ஆயிரத்துக்கும் அதிகமானோர் பலியாகியுள்ள நிலையில் இந்தியாவில் பல்வேறு மாநிலங்களைச் சேர்ந்த 70கும் மேற்பட்டோர் இந்த வைரஸால் பாதிக்கப்பட்டுள்ளனர். இதனால் மத்திய அரசு பல்வேறு தடுப்பு முன்னெச்சரிக்கை நடவடிக்கைகளை மேற்கொண்டு வருகின்றது.
கொரோனா வைரஸ் காரணம் மக்கள் மொத்தமாக கூடுவதை தவிர்க்க வேண்டுமென்று மத்திய அரசு அறிவுறுத்தி வந்த நிலையில் ஐபிஎல் போட்டியை பார்வையாளர்கள் இன்றி ஐபிஎல் போட்டியை நடத்துமாறு வெளியுறவுத்துறை அமைச்கம் ஐபிஎல் நிர்வாகத்தை வலியுறுத்தியுள்ளது.இதனைத்தொடர்ந்து சனிக்கிழமை நடைபெறும் சென்னை VS கொல்கத்தா அணிகள் மோதும் ஐஎஸ்எல் கால்பந்து இறுதிப்போட்டிக்கு பார்வையாளருக்கு அனுமதி இல்லை என்று உத்தரவு பிறப்பிக்கப்படுள்ளது.