ஐஎஸ்எல் கால்பந்து போட்டியில் இன்று நடைபெறும் ஆட்டத்தில் பெங்களூரு – ஏ.டி.கே மோகன் பகான் அணிகள் மோதுகின்றன .
8-வது இந்தியன் சூப்பர் லீக் கால்பந்து போட்டி(ஐஎஸ்எல்) கோவாவில் உள்ள 3 மைதானங்களில் விறுவிறுப்பாக நடைபெற்று வருகிறது .கொரோனா தடுப்பு பாதுகாப்பு விதிமுறைகளை பின்பற்றி ரசிகர்கள் இன்றி போட்டி நடைபெற்று வருகிறது .இதில் இன்று நடைபெறும் லீக் ஆட்டத்தில் பெங்களூரு – ஏ.டி.கே மோகன் பகான் அணிகள் பலப்பரீட்சை நடத்துகின்றன .
இதுவரை 5 போட்டிகளில் விளையாடியுள்ள ஏ.டி.கே மோகன் பகான் அணி 2 வெற்றி , 2 தோல்வி , ஒரு டிரா என புள்ளி பட்டியலில் 6-வது இடத்தில் உள்ளது .அதேபோல் 6 போட்டிகளில் விளையாடியுள்ள பெங்களூர் அணி 1 வெற்றி, 4தோல்வி, ஒரு டிரா என புள்ளி பட்டியலில் 9-வது இடத்தில் உள்ளது.இப்போட்டி இன்று இரவு 7.30 மணிக்கு தொடங்குகிறது .