ஐஎஸ்எல் கால்பந்து போட்டியில் இன்று இரவு நடைபெறும் ஆட்டத்தில் சென்னையின் எஃப்சி- கோவா அணிகள் மோதுகின்றன.
8-வது இந்தியன் சூப்பர் லீக் கால்பந்து போட்டி(ஐஎஸ்எல்) கோவாவில் நடைபெற்று வருகிறது. கொரோனா தடுப்பு பாதுகாப்பு விதிமுறைகளை பின்பற்றி ரசிகர்கள் இன்றி இப்போட்டி நடந்து வருகிறது.இதில் இன்று இரவு 9.30 மணிக்கு நடைபெறும் லீக் ஆட்டத்தில் சென்னையின் எஃப்சி- கோவா அணிகள் பலப்பரீட்சை நடத்துகின்றன.
இதுவரை 9 போட்டிகளில் விளையாடியுள்ள சென்னை அணி 4 வெற்றி, 3 தோல்வி ,2 டிரா என புள்ளி பட்டியலில் 6 வது இடத்தில் உள்ளது. அதேபோல் 9 போட்டிகளில் விளையாடியுள்ள கோவா அணி 2 வெற்றி, 4 தோல்வி, 3 டிரா என என புள்ளி பட்டியலில் 9 வது இடத்தில் உள்ளது.