8-வது இந்தியன் சூப்பர் லீக் கால்பந்து போட்டி (ஐஎஸ்எல்) கோவாவில் நடைபெற்று வருகிறது. கொரோனா தடுப்பு விதிமுறைகளை பின்பற்றி ரசிகர்கள் இன்றி இப்போட்டி நடைபெற்று வருகிறது.இந்நிலையில் இன்று இரவு 7.30 மணிக்கு நடைபெறும் லீக் ஆட்டத்தில் ஈஸ்ட் பெங்கால்- பெங்களூரு எப்.சி அணியும், இரவு 9.30 மணிக்கு நடைபெறும் மற்றொரு ஆட்டத்தில் ஹைதராபாத் – மும்பை சிட்டி அணிகள் மோதுகின்றன.
இதுவரை 19 போட்டிகளில் விளையாடியுள்ள ஈஸ்ட் பெங்கால் அணி 1 வெற்றி, 8 டிரா, 10 தோல்வி என புள்ளி பட்டியலில் கடைசி இடத்தில் உள்ளது. அதேபோல் 19 போட்டிகளில் விளையாடியுள்ள பெங்களூரு அணி 7 வெற்றி, 5 டிரா, 7 தோல்வி என புள்ளி பட்டியலில் 6-வது இடத்தில் உள்ளது. இதையடுத்து ஹைதராபாத் அணி புள்ளி பட்டியலில் 3-வது இடத்திலும், மும்பை அணி 5-வது இடத்திலும் உள்ளது.