ஐஎஸ்எல் கால்பந்து போட்டியில் இன்று இரவு நடைபெறும் லீக் ஆட்டத்தில் ஈஸ்ட் பெங்கால்- மும்பை சிட்டி அணிகள் மோதுகின்றன.
8-வது இந்தியன் சூப்பர் லீக் கால்பந்து போட்டி(ஐஎஸ்எல்) கோவாவில் உள்ள 3 மைதானங்களில் விறுவிறுப்பாக நடைபெற்று வருகிறது .கொரோனா தடுப்பு பாதுகாப்பு விதிமுறைகளை பின்பற்றி ரசிகர்கள் இன்றி போட்டி நடைபெற்று வருகிறது.இதில் இன்று நடைபெறும் லீக் ஆட்டத்தில் ஈஸ்ட் பெங்கால் – மும்பை சிட்டி அணிகள் பலப்பரீட்சை நடத்துகின்றன.
இதுவரை 9 போட்டிகளில் விளையாடியுள்ள ஈஸ்ட் பெங்கால் அணி புள்ளி பட்டியலில் கடைசி இடத்தில் உள்ளது. அதேபோல் 9 போட்டிகளில் விளையாடியுள்ள மும்பை சிட்டி அணி 5 போட்டிகளில் வெற்றி பெற்று புள்ளி பட்டியலில் 2-வது இடத்தில் உள்ளது. இப்போட்டி இன்று இரவு 7.30 மணிக்கு நடைபெறுகிறது