ஐஎஸ்எல் கால்பந்து போட்டியில் நேற்று நடைபெற்ற ஆட்டத்தில் கேரளா பிளாஸ்டர்ஸ் அணி வெற்றி பெற்றது.
8-வது இந்தியன் சூப்பர் லீக் கால்பந்து போட்டி (ஐஎஸ்எல்) கோவாவில் நடைபெற்று வருகிறது. கொரோனா தடுப்பு விதிமுறைகளை பின்பற்றி ரசிகர்கள் இன்றி நடைபெறும் இப்போட்டி நடைபெற்று வருகிறது. இந்நிலையில் நேற்றிரவு நடைபெற்ற ஆட்டத்தில் கேரளா பிளாஸ்டர்ஸ் – ஈஸ்ட் பெங்கால் அணிகள் மோதின.
இதில் கேரளா அணியில் இனெஸ் சிபோவிக் ஆட்டத்தின் 49-வது நிமிடத்தில் ஒரு கோல் அடித்தார். இறுதியாக 1-0 என்ற கோல் கணக்கில் ஈஸ்ட் பெங்காலை வீழ்த்தி கேரளா அணி வெற்றி பெற்றது. இதனிடையே இன்று இரவு 7.30 மணிக்கு நடைபெறும் ஆட்டத்தில் கோவா – ஏடிகே மோகன் பகான் அணிகள் மோதுகின்றன.