ஐஎஸ்எல் கால்பந்து போட்டியில் நேற்றிரவு நடந்த ஆட்டத்தில் ஜாம்ஷெட்பூர் அணி வெற்றி பெற்றது.
8-வது இந்தியன் சூப்பர் லீக் கால்பந்து போட்டி(ஐஎஸ்எல்) கோவாவில் நடைபெற்று வருகிறது. இதில் நேற்றிரவு நடந்த ஆட்டத்தில் ஜாம்ஷெட்பூர் எஃப்சி – ஈஸ்ட் பெங்கால் அணிகள் மோதின. இதில் ஜாம்ஷெட்பூர் அணியில் இஷான் பண்டிதா 88-வது நிமிடத்தில் ஒரு கோல் அடித்தார்.
இதைத்தொடர்ந்து எதிரணி கோல் அடிக்க எடுத்த முயற்சிகள் அனைத்தும் வீணானது. இறுதியாக 1-0 என்ற கோல் கணக்கில் வெற்றி பெற்ற ஜாம்ஷெட்பூர் அணி 5-வது வெற்றியை ருசித்தது. இதனிடையே இன்று இரவு 7.30 மணிக்கு நடைபெறும் ஆட்டத்தில் கேரளா பிளாஸ்டர்ஸ்- ஒடிசா அணிகள் மோதுகின்றன.