ஐஎஸ்எல் கால்பந்து போட்டியில் நேற்று நடைபெற்ற ஆட்டத்தில் மும்பை சிட்டி அணி வெற்றி பெற்றது.
8-வது இந்தியன் சூப்பர் லீக் கால்பந்து போட்டி (ஐஎஸ்எல்) கோவாவில் நடைபெற்று வருகிறது. கொரோனா தடுப்பு விதிமுறைகளை பின்பற்றி ரசிகர்கள் இன்றி இப்போட்டி நடந்து வருகிறது. இதனிடையே நேற்றிரவு நடைபெற்ற ஆட்டத்தில் மும்பை சிட்டி – ஈஸ்ட் பெங்கால் அணிகள் பலப்பரீச்சை நடத்தின. இதில் முதல்பாதி ஆட்டத்தில் இரு அணிகளும் 0-0 என்ற கணக்கில் சமனில் இருந்தது. இதைதொடர்ந்து 2-வது பாதி ஆட்டத்தில் மும்பை அணியில் பிபின் சிங் 51-வது நிமிடத்தில் ஒரு கோல் அடித்தார்.
ஆனால் ஈஸ்ட் பெங்கால் அணியால் கோல் அடிக்க முடியவில்லை. இறுதியாக மும்பை அணி 1-0 என்ற கோல் கணக்கில் வெற்றி பெற்றது.இதுவரை 17 போட்டிகளில் விளையாடியுள்ள மும்பை அணி 8 வெற்றி ,4 டிரா ,5 தோல்வி என புள்ளி பட்டியலில் 4-வது இடத்திற்கு முன்னேறியது. இதுவரை 18 போட்டிகளில் விளையாடியுள்ள ஈஸ்ட் பெங்கால் அணி 1 வெற்றி ,7 டிரா ,9 தோல்வி என புள்ளி பட்டியலில் கடைசி இடத்தில் உள்ளது.