ஐ.எஸ்.எல் கால்பந்து போட்டியில் நேற்று நடந்த லீக் ஆட்டத்தில் ஹைதராபாத்தை வீழ்த்தி வெற்றி பெற்ற சென்னை அணி புள்ளி பட்டியலில் 4-வது இடத்தில் உள்ளது .
8-வது இந்தியன் சூப்பர் லீக் கால்பந்து போட்டி(ஐ.எஸ்.எல்) கோவாவில் தொடங்கி நடந்து வருகிறது. இதில் நேற்று இரவு நடந்த லீக் ஆட்டத்தில் சென்னையின் எப்சி அணி ,ஹைதராபாத் எப்சி அணியுடன் மோதியது. இதில் முதல் பாதி ஆட்டத்தில் இரு அணிகளும் கோல் அடிக்கவில்லை. இதையடுத்து 2-வது பாதி ஆட்டத்தில் 66-வது நிமிடத்தில் சென்னை அணியில் விளாடிமிர் கோமர் ஒரு கோல் அடித்து முதல் கோலை பதிவுசெய்தார்.
இதனால் சென்னை அணி 1-0 என்ற கணக்கில் முன்னிலையில் இருந்தது .இதன்பிறகு கோல் அடிக்க முயன்ற ஹைதராபாத் அணியால் ஒரு கோல் கூட அடிக்க முடியவில்லை. இறுதியாக 1-0 என்ற கணக்கில் ஹைதராபாத் அணியை வீழ்த்திய சென்னை அணி முதல் வெற்றியை பதிவு செய்தது.