ஐஎஸ்எல் கால்பந்து போட்டியில் நேற்றிரவு நடந்த ஆட்டத்தில் ஏ.டி.கே மோகன் பகான் அணி வெற்றி பெற்றுள்ளது .
8-வது இந்தியன் சூப்பர் லீக் கால்பந்து போட்டி (ஐஎஸ்எல்) கோவாவில் விறுவிறுப்பாக நடைபெற்று வருகிறது. மேலும் கொரோனா தடுப்பு விதிமுறைகளை பின்பற்றி ரசிகர்கள் இன்றி இப்போட்டி நடைபெற்று வருகிறது. இதில் நேற்று இன்று நடைபெற்ற ஆட்டத்தில் ஹைதராபாத் – ஏ.டி.கே மோகன் பகான் அணிகள் பலப்பரீச்சை நடத்தின.இதில் முதல் பாதியில் இரு அணிகளும் கோல் அடிக்க முடியவில்லை.
இதை தொடர்ந்து நடந்த 2-வது பாதியில் ஏ.டி.கே மோகன் பகான் அணியின் லிஸ்டன் கோலாகோ 56-வது நிமிடத்திலும் , மன்விர் சிங்க் 59-வது நிமிடத்திலும் கோல் அடித்தனர். இதனால் 2-0 என்ற கோல் கணக்கில் முன்னிலையில் இருந்தது.இதைதொடர்ந்து ஹைதராபாத் அணியில் ஜோயல் சினஸ் 67 வது நிமிடத்தில் ஒரு கோல் அடித்தார்.இறுதியாக 2-1 என்ற கோல் கணக்கில் மோகன் பகான் அணி வெற்றி பெற்றது.