ஐஎஸ்எல் கால்பந்து போட்டியில் இன்று இரவு நடைபெறும் ஆட்டத்தில் ஜாம்ஷெட்பூர் – கேரளா அணிகள் மோதுகின்றன.
8-வது இந்தியன் சூப்பர் லீக் கால்பந்து தொடர் (ஐஎஸ்எல்) கோவாவில் நடைபெற்று வருகிறது. கொரோனா தடுப்பு விதிமுறைகளை பின்பற்றி ரசிகர்கள் இன்றி இப்போட்டி நடைபெற்று வருகிறது.இந்நிலையில் இன்று நடைபெறும் ஆட்டத்தில் ஜாம்ஷெட்பூர் – கேரளா அணிகள் பலப்பரீச்சை நடத்துகின்றன.
இதுவரை 13 போட்டிகளில் விளையாடியுள்ள ஜாம்ஷெட்பூர் அணி 6 வெற்றி ,4 டிரா ,3 தோல்வி என புள்ளி பட்டியலில் 5-வது இடத்தில் உள்ளது.அதேபோல் 13 போட்டிகளில் விளையாடியுள்ள கேரளா அணி 6 வெற்றி ,5 டிரா ,2 தோல்வி என புள்ளி பட்டியலில் 2-வது இடத்தில் உள்ளது.இப்போட்டி இன்று இரவு 7.30 மணிக்கு தொடங்குகிறது.