ஐஎஸ்எல் கால்பந்து போட்டியில் நேற்று நடந்த ஆட்டத்தில் கோவா அணி அபார வெற்றி பெற்றுள்ளது.
இந்தியன் சூப்பர் லீக் கால்பந்து போட்டி(ஐஎஸ்எல்) கோவாவில் நடைபெற்று வருகிறது .இதில் நேற்று நடந்த 86-வது லீக் ஆட்டத்தில் எஃப்சி கோவா – சென்னையின் எஃப்சி அணிகள் பலப்பரீச்சை நடத்தின.இதில் ஆட்டத்தின் தொடக்கத்திலிருந்தே கோவா அணி ஆதிக்கம் செலுத்தியது.இதில் முதல் பாதி ஆட்டத்தில் 4 கோல்களுடன் கோவா அணி முன்னிலையில் இருந்தது.
குறிப்பாக கோவா அணியில் ஜோர்ஜ் ஒர்டிஸ் ஹாட்ரிக் கோல் அடித்து அசத்தினார்.இறுதியாக 5-0 என்ற கோல் கணக்கில் கோவா அணி அபார வெற்றி பெற்றது.இதில் முன்னாள் சாம்பியனான சென்னையின் எஃப்சி அணி 16 போட்டிகளில் விளையாடி 19 புள்ளிகளுடன் 8-வது இடத்தில் உள்ளது.