ஐஎஸ்எல் கால்பந்து போட்டியில் நேற்றிரவு நடந்த ஹைதராபாத் எப்.சி – கேரளா அணிகள் மோதிய ஆட்டத்தில் ஹைதராபாத் அணி வெற்றி பெற்றது.
8-வது இந்தியன் சூப்பர் லீக் கால்பந்து போட்டி (ஐஎஸ்எல்) கோவாவில் நடைபெற்று வருகிறது. கொரோனா தடுப்பு விதிமுறைகளை பின்பற்றி ரசிகர்கள் இன்றி இப்போட்டி நடைபெற்று வருகிறது.இதனிடையே நேற்றிரவு நடைபெற்ற ஆட்டத்தில் ஹைதராபாத் எப்.சி – கேரளா பிளாஸ்டர்ஸ் அணிகள் பலப்பரீச்சை நடத்தின.
இதில் ஹைதராபாத் அணியில் பர்த்தொலொமேயு 28-வது நிமிடத்திலும், ஜேவியர் சிவேரியோ 87-வது நிமிடத்திலும் தலா ஒரு கோல் அடித்தனர். இதைதொடர்ந்து 90+5 வது நிமிடத்தில் கேரளா அணியில் வின்சி ஒரு கோல் அடித்தார். இறுதியாக 2-1 என்ற கோல் கணக்கில் ஹைதராபாத் அணி கணக்கில் கேரளா அணியை வீழ்த்தி வெற்றி பெற்றது. அதேசமயம் தொடர்ந்து புள்ளி பட்டியலில் முதலிடத்தில் உள்ளது.