ஐஎஸ்எல் கால்பந்து போட்டியில் நேற்று நடந்த நார்த் ஈஸ்ட் யுனைடெட் – கோவா அணிகள் மோதிய ஆட்டம் டிராவில் முடிந்தது .
8-வது இந்தியன் சூப்பர் லீக் கால்பந்து போட்டி (ஐஎஸ்எல்) கோவாவில் நடைபெற்று வருகிறது. கொரோனா தடுப்பு விதிமுறைகளை பின்பற்றி ரசிகர்கள் இன்றி இப்போட்டி நடைபெற்று வருகிறது. இதில் நேற்று நடந்த லீக் ஆட்டத்தில் நார்த் ஈஸ்ட் யுனைடெட் – கோவா அணிகள் பலப்பரீட்சை நடத்தின.
இதில் ஆட்டத்தின் தொடக்கத்தில் நார்த் ஈஸ்ட் அணி வீரர் ஹெர்னன் சண்டனா 2-வது நிமிடத்தில் ஒரு கோல் அடித்தார். இதற்கு பதிலடி கொடுக்கும் விதமாக கோவா அணியில் கேப்ரேரா 39-வது நிமிடத்தில் ஒரு கோல் அடித்தார். இதன் பிறகு இரு அணிகளும் கோல் அடிக்கவில்லை. இறுதியாக 1-1 என்ற கோல் கணக்கில் போட்டி டிராவில் முடிந்தது.