ஐஎஸ்எல் கால்பந்து போட்டியில் நேற்றிரவு நடைபெற்ற ஒடிசா எப்.சி – ஏடிகே மோகன் பகான் மோதிய ஆட்டம் டிராவில் முடிந்தது.
8-வது இந்தியன் சூப்பர் லீக் கால்பந்து போட்டி (ஐஎஸ்எல்) கோவாவில் நடைபெற்று வருகிறது. கொரோனா தடுப்பு விதிமுறைகளை பின்பற்றி ரசிகர்கள் இன்றி இப்போட்டி நடைபெற்று வருகிறது.இதனிடையே நேற்றிரவு நடைபெற்ற ஆட்டத்தில் ஒடிசா எப்.சி – ஏடிகே மோகன் பகான் அணிகள் பலப்பரீச்சை நடத்தின.
இதில் ஒடிசா அணியில் ரெடீம் 5-வது நிமிடத்தில் ஒரு கோலும், மோகன் பகான் அணியில் ஜோனி கவுகோ 8-வது நிமிடத்தில் ஒரு கோல் அடித்தார். இறுதியாக 1-1 என்ற கோல் கணக்கில் போட்டி டிராவில் முடிந்தது. இதனிடையே புள்ளி பட்டியலில் ஏடிகே மோகன் பகான் அணி 3-வது இடத்திலும்,ஒடிசா எப்.சி அணி 7-வது இடத்திலும் உள்ளது.