ஐஎஸ்எல் கால்பந்து போட்டியில் இன்று நடைபெற இருந்த ஏ.டி.கே மோகன் பாகான் – ஒடிசா மோதும் போட்டி ரத்து செய்யப்பட்டது.
8-வது இந்தியன் சூப்பர் லீக் கால்பந்து போட்டி(ஐஎஸ்எல்) கோவாவில் நடைபெற்று வருகிறது. கொரோனா தடுப்பு பாதுகாப்பு விதிமுறைகளை பின்பற்றி ரசிகர்கள் இன்றி இப்போட்டி நடந்து வருகிறது.இந்நிலையில் இன்றைய லீக் ஆட்டத்தில் ஏ.டி.கே மோகன் பாகான் – ஒடிசா அணிகள் மோத இருந்தன .
ஆனால் மோகன் பாகான் அணியில் வீரர் ஒருவருக்கு கொரோனா தொற்று பாதிப்பு உறுதி செய்யப்பட்டதால் போட்டி ரத்து செய்யப்பட்டது. மேலும் இந்த ஆட்டம் வேறு ஒரு தேதியில் நடைபெறும் என அறிவிக்கப்பட்டுள்ளது.