ஐஎஸ்எல் கால்பந்து போட்டியில் நேற்றிரவு நடந்த பெங்களூர்- ஜாம்ஷெட்பூர் அணிகள் மோதிய ஆட்டம் டிராவில் முடிந்தது .
11 அணிகள் பங்கேற்கும் 8-வது இந்தியன் சூப்பர் லீக் கால்பந்து போட்டி(ஐஎஸ்எல்) கோவாவில் விறுவிறுப்பாக நடைபெற்று வருகிறது. இதில் நேற்றிரவு நடந்த 36- வது லீக் ஆட்டத்தில் பெங்களூர்- ஜாம்ஷெட்பூர் அணிகள் மோதின .இதில் இரு அணிகளும் 0-0 கோல் ஏதுமின்றி போட்டி டிராவில் முடிந்தது .
இதனிடையே 7 போட்டிகளில் விளையாடியுள்ள ஜாம்ஷெட்பூர் அணி 3 வெற்றி , ஒரு தோல்வி 3 டிரா என புள்ளி பட்டியலில் 2-வது இடத்திற்கு முன்னேறியுள்ளது. இதேபோல் 8 போட்டிகளில் விளையாடியுள்ள பெங்களூரு அணி ஒரு வெற்றி, 4 தோல்வி 3 டிரா கண்டுள்ளது. இந்நிலையில் இன்று இரவு 7.30 மணிக்கு நடைபெறும் ஆட்டத்தில் நார்த் ஈஸ்ட் யுனைடெட் -ஏ.டி.கே.மோகன் பகான் அணிகள் மோதுகின்றன