நாய் குட்டி ஒன்று முழு வான்கோழியையும் சாப்பிட்டு நகர முடியாமல் உள்ளது நகைப்பை ஏற்படுத்தியுள்ளது.
ஸ்காட்லாந்து நாட்டில் வசித்து வருபவர் டேவிட் பாராட். இவர் தன்னுடைய வீட்டில் கிறிஸ்துமஸ் பண்டிகைக்காக இரவு சாப்பாட்டுக்கு வான்கோழியை சமைத்து வைத்திருந்துள்ளார். இந்நிலையில் அவர் வீட்டில் வளர்க்கும் நாய்க்குட்டியான பப்பா சமையலறைக்குள் நுழைந்து முழு வான்கோழியையும் சாப்பிட்டுள்ளது. இதையடுத்து வயிறு முழுவதுமாக நிரம்பியதால் அப்படியே தரையில் படுத்துக் கிடந்துள்ளது. இதை பார்த்த பாராட் இந்த காட்சியை படம் பிடித்து இணையத்தில் பதிவிட்டுள்ளார்.
இதையடுத்து இந்த புகைப்படம் இணையத்தில் வேகமாக பரவி வருகிறது. மேலும் பாராட்அந்தபதிவில்,” பப்பாவால் நகர முடியவில்லை. அந்த வான்கோழியும் மிகப் பெரியது என்று கூறியுள்ளார். அளவாக சாப்பிட்டால் உடலுக்கு எந்த பிரச்சினையும் ஏற்படாது எனவும் தற்போது நாய் நலமுடன் இருப்பதாகவும் பாராட் தெரிவித்துள்ளார். இந்நிலையில் அளவுக்கு மிஞ்சினால் அமிர்தமும் நஞ்சுதான் என்பது இப்போது நாய்க்குட்டிக்கு தெரிந்திருக்குமல்லவா? இதைப்பார்த்த நெட்டிசன்களை நாய்க்குட்டி நகைப்புக்குள்ளாக்கியுள்ளது.