பேச்சு மூச்சு இல்லாமல் இருந்தவர் உயிரிழந்து விட்டதாக நினைத்து புகைப்படம் எடுக்கும் போது அவர் உயிருடன் இருந்தது அதிர்ச்சியை ஏற்படுத்தியது
கேரள மாநிலம் பாலக்காட்டைச் சேர்ந்த சிவதாசன் என்பவர் வாடகை வீடு ஒன்றில் தனியாக வசித்து வருகின்றார். சில தினங்களுக்கு முன்பு அவரது நண்பரொருவர் சிவதாசனை பார்ப்பதற்காக வீட்டிற்கு சென்ற சமயம் பேச்சு மூச்சு இல்லாமல் இருந்துள்ளார். இதனை தொடர்ந்து அவரது நண்பர் உடனடியாக காவல்துறையினருக்கு தகவல் தெரிவிக்க விரைந்து வந்தவர்கள் சிவதாசனை பரிசோதித்துவிட்டு அவர் உயிரிழந்ததாக முடிவு செய்தனர். இதனை தொடர்ந்து அடுத்த கட்ட நடவடிக்கையாக புகைப்படம் எடுப்பதற்காக டோமி தாமஸ் என்பவரை காவல்துறையினர் வரவழைத்தனர்.
டோனி தாமஸ் என்பவர் சம்பவ இடத்திற்கு வந்து புகைப்படம் எடுப்பதற்காக சிவராசனை நெருங்கியபோது மிகவும் மெதுவாக முனகல் சத்தம் கேட்டுள்ளது. இதனால் தாமஸ்சிவதாசன் அருகில் சென்று பார்த்தபோது அவர் உயிருடன் இருப்பது கண்டறியப்பட்டது. பின்னர் உடனடியாக காவல் துறையினரிடம் தாமஸ் விஷயத்தை சொல்ல அவர்கள் சிவராசனை அருகிலிருந்த மருத்துவமனைக்கு கொண்டு சென்றனர். தற்போது அவர் தீவிர சிகிச்சை பிரிவில் சிகிச்சை எடுத்து வருவதாக தெரியவந்துள்ளது.
