“இது அவரால் முடிந்தால் தான் விளையாட உடல் தகுதி இருப்பதாக கருதுகிறார்” தோனியின் ஓய்வு ரகசியத்தை உடைத்த மஞ்ச்ரேக்கர்…!!

இந்திய விளையாட்டு வீரர் தோனியின் ஓய்வு திட்டம் குறித்த உண்மைகளை மஞ்ச்ரேக்கர் தெரிவித்துள்ளார்.

டோனியின் ஓய்வு திட்டம் குறித்து இந்திய அணியின் முன்னாள் வீரரும், வர்ணனையாளருமான சஞ்சய் மஞ்ச்ரேக்கர் ஸ்டார் ஸ்போர்ட்ஸ் நிகழ்ச்சி ஒன்றில் பேசியுள்ளார். அதில் அவர் கூறியதாவது ” 2017 ஆம் ஆண்டு விராட் கோலியின் திருமண வரவேற்பு நிகழ்ச்சி நடந்தபோது தோனியிடம் சிறிது நேரம் பேசும் வாய்ப்பு கிடைத்தது.

அப்போது அவர், அணியில் வேகமாக ஓடும் சக வீரரை தோற்கடிக்கும் வரை தொடர்ந்து சர்வதேச கிரிக்கெட் அல்லது உயர்தர கிரிக்கெட்டில் விளையாட கூடிய அளவிற்கு போதுமான உடல் தகுதியுடன் இருப்பதாக தெரிந்து கொள்வேன் ” என என்னிடம் கூறினார். சாம்பியன் வீரர்களான டோனி, டெண்டுல்கர் போன்றவர்களை ஆடுகளத்தில் இருக்கையில் முழுமையான உடல் தகுதியுடன் இல்லாமலோ அல்லது வேகமாக ஓட முடியாது நிலையிலோ ஒருபோதும் பார்க்க இயலாது. வரும் ஐபிஎல் தொடரில் டோனி சிறப்பாக விளையாடுவார், என தெரிவித்துள்ளார்.