கோகுல்ராஜ் உடன் வீடியோவில் இருப்பது நான் அல்ல என்று சுவாதி பரபரப்பு வாக்குமூலம் ஒன்றை கொடுத்திருக்கிறார்.
தமிழகத்தையே உலுக்கிய கல்லூரி மாணவர் கோகுல்ராஜ் கொலை வழக்கில் தற்பொழுது பிறழ் சாட்சியாக மாறி இருக்கக்கூடிய சுவாதி உயர்நீதிமன்ற மதுரை கிளையில் பரபரப்பு வாக்குமூலத்தை கொடுத்து இருக்கிறார். கோகுல்ராஜ் உடன் வீடியோவில் இருப்பது நான் அல்ல என்று சுவாதி வாக்குமூலம் கொடுத்திருக்கிறார். கோகுல்ராஜ் என்னுடன் கல்லூரியில் ஒன்றாக ஒரே வகுப்பில் பயின்றார்.
சக மாணவர்களைப் போல தான் கோகுல்ராஜ் தெரியும். சக மாணவர்களுடன் பேசுவது போல் தான் கோகுல்ராஜிடமும் பேசினேன் என ஐகோர்ட் மதுரை கிளையில் சுவாதி வாக்குமூலம் கொடுத்துள்ளார். கோகுல்ராஜ் வசதி குறைந்த வகுப்பை சேர்ந்தவர் என தெரியுமா ? என உயர்நீதிமன்ற நீதிபதிகள் கேள்வி எழுப்பிய போது, தெரியாது என பதிலளித்த சுவாதி, சம்பவத்தன்று காலை யாரையும் பார்க்கவில்லை எனவும் வாக்குமூலம் கொடுத்துள்ளார்.