விபத்தில் இறந்த சிறுமி…. ஜப்தி செய்யப்பட்ட பேருந்து…. நீதிமன்றத்தின் அதிரடி உத்தரவு…!!

இழப்பீடு தொகை வழங்காததால் அரசு பேருந்தை ஜப்தி செய்ய நீதிமன்றம் அதிரடியாக உத்தரவிட்டுள்ளது.

விழுப்புரம் மாவட்டத்தில் உள்ள கோட்டபூண்டி கிராமத்தில் முருகையன் என்பவர் வசித்து வருகிறார். இவருக்கு 12 வயதுடைய பாரதி என்ற மகள் இருந்துள்ளார். கடந்த 2013-ஆம் ஆண்டு சாலையில் நடந்து சென்று கொண்டிருந்த இந்த சிறுமி மீது அரசு பேருந்து மோதிய விபத்தில் அவர் பரிதாபமாக உயிரிழந்து விட்டார். இதனையடுத்து சிறுமியின் பெற்றோர் இழப்பீடு கேட்டு நீதிமன்றத்தில் வழக்கு தொடர்ந்துள்ளனர்.

இந்த வழக்கினை விசாரித்த நீதிபதி 4 லட்சத்து 60 ஆயிரம் ரூபாயை இழப்பீடாக வழங்க வேண்டும் என தமிழ்நாடு அரசு போக்குவரத்து கழகத்திற்கு உத்தரவிட்டுள்ளது. அதன் பிறகு இழப்பீடு தொகையை வழங்காததால் வட்டியுடன் சேர்த்து 7 லட்சத்து 60 ஆயிரம் ரூபாய் பணத்தை வழங்க வேண்டும் என நீதிமன்றம் உத்தரவிட்டுள்ளது. ஆனாலும் உத்தரவை நிறைவேற்றாத குற்றத்திற்காக நீதிமன்ற அலுவலர்கள் அரசு பேருந்தை ஜப்தி செய்து நீதிமன்றத்தில் ஒப்படைத்து விட்டனர்.