ஜெர்மனியில் கோடை கால விடுமுறைக்கு பிறகு பள்ளிகள் மீண்டும் திறக்கப்படுவதால் மாணவர்கள் வகுப்பறைகளில் முகக்கவசம் கட்டாயம் அணிய வேண்டும் என்று வலியுறுத்தியுள்ளனர்.
ஜெர்மனியில் கோடை கால விடுமுறைக்கு பின்னர் மீண்டும் பள்ளிகள் திறக்கப்பட உள்ளன. இந்நிலையில் அறிகுறி இல்லாமல் கொரோனாவால் பாதிப்படைந்த மாணவர்களால் ஏற்படும் ஆபத்து காரணமாக, பாடங்கள் எடுக்கும் போது அனைத்து மாணவர்களும் கட்டாயம் முக கவசம் அணியுமாறு நாங்கள் கேட்டுக் கொள்கிறோம் என்று வைராலஜிஸ்டுகள் திறந்தவெளி கடிதம் ஒன்றை வெளியிட்டுள்ளனர். மேலும் வகுப்பறைகளில் காற்று சுழற்சிக்கான நடவடிக்கைகளை அதிகரிக்க வேண்டும் என்று நிபுணர்கள் பரிந்துரை செய்துள்ளனர்.
வடகிழக்கு மாநிலமான மெக்லென்பர்க் மேற்கு பொமரேனியா முதலில் பள்ளிகளைத் திறந்தது அதன்பின் அந்தப் பகுதியில் தொற்று உறுதி செய்யப்பட்டதை அடுத்து இரண்டு பள்ளிகள் மூடப்பட்டன. தொற்று நோய்களால் குழந்தைகளுக்கு எத்தகைய பாதிப்பும் ஏற்படாது என்று நினைப்பது தவறு என்று எச்சரிக்கிறோம். இந்தக் கருத்துக்கள் விஞ்ஞான தரவுகளுடன் எவ்விதத்திலும் பொருந்தாது என வைராலஜிஸ்டுகள் தங்கள் கடிதத்தில் குறிப்பிட்டுள்ளனர்.