ரஷ்ய நாடு வரை பாய்ந்து தாக்கக்கூடிய திறனுடைய ராக்கெட்டுகளை உக்ரைன் நாட்டிற்கு அமெரிக்கா விற்பனை செய்யாது என்று ஜனாதிபதி ஜோ பைடன் கூறியிருக்கிறார்.
ரஷ்யா, உக்ரைன் நாட்டின் மீது மூன்று மாதங்களைத் தாண்டி தீவிரமாக போர் தொடுத்துக் கொண்டிருக்கிறது. உக்ரைன் நாட்டின் தலைநகரை ரஷ்யாவால் கைப்பற்ற முடியவில்லை. தற்போது, அந்நாட்டின் கிழக்குப் பகுதிகளை கைப்பற்ற தீவிரமாக போர் தொடுத்து கொண்டிருக்கிறது. இந்நிலையில், ரஷ்யாவை எதிர்த்து நடக்கும் போரில் அமெரிக்காவும் மேற்கத்திய நாடுகளும் உக்ரைன் நாட்டிற்கு ஆதரவு தெரிவித்து வருகின்றன.
இந்நிலையில், ரஷ்ய நாடு வரை பாய்ந்து தாக்கக்கூடிய திறனுடைய ராக்கெட்டுகளை அமெரிக்கா, உக்ரைன் நாட்டிற்கு விற்கவுள்ளதாக தெரிவிக்கப்பட்டது. ஆனால் இதை முற்றிலுமாக மறுத்துள்ள ஜனாதிபதி ஜோ பைடன், அமெரிக்கா ரஷ்ய நாடு வரை சென்று தாக்க கூடிய திறனுடைய ராக்கெட்டுகளை உக்ரைன் நாட்டிற்கு விற்பனை செய்யாது என்று கூறியிருக்கிறார்.