ஜூனியர் உலக கோப்பை ஹாக்கி போட்டியில் நேற்றிரவு நடந்த இறுதி ஆட்டத்தில் அர்ஜென்டினா அணி 2-வது முறையாக சாம்பியன் பட்டத்தை தட்டி சென்றது.
12-வது ஜூனியர் உலக கோப்பை ஹாக்கி போட்டி ஒடிசா மாநிலம் தலைநகர் புவனேஸ்வரில் நடைபெற்று வந்தது .இதில் இறுதிப் போட்டியில் அர்ஜென்டினா, ஜெர்மனி அணிகள் தகுதி பெற்றன. இதனிடையே நேற்று கலிங்கா ஸ்டேடியத்தில் நடந்த இறுதி ஆட்டத்தில் ஜெர்மனி – அர்ஜென்டினா அணிகள் பலப்பரீட்சை நடத்தின.
இதில் 4-2 என்ற கோல் கணக்கில் ஜெர்மனி அணியை வீழ்த்தி அர்ஜென்டினா அணி அபார வெற்றி பெற்றது. இந்த வெற்றியின் மூலம் அர்ஜென்டினா அணி 2-வது முறையாக சாம்பியன் பட்டத்தை தட்டி சென்றது.