அதிமுகவில் கடந்து சில நாட்களாக ஒற்றை தலைமை விவகாரம் கட்சியையே இரண்டாகிவிட்டது. கடந்த ஜூன் 23 ஆம் தேதி நடந்த அதிமுக பொது குழு மற்றும் செயற்குழு கூட்டம் கலவரத்தில் முடிவடைந்த நிலையில் இன்று (ஜூலை 11) அதிமுக பொதுக்குழு கூட்டம் நடைபெறுகிறது. சென்னை ஸ்ரீவாரி மண்டபத்தில் நடக்கவுள்ள அதிமுக பொதுக்குழு கூட்டத்தில் பங்கேற்க ஓபிஎஸ் மற்றும் இபிஎஸ் தனது ஆதரவாளர்களுடன் சென்று உள்ளனர். இன்னும் சற்று நேரத்தில் பொதுக்குழு தொடங்க உள்ளது.
இந்நிலையில் நொடிக்கு நொடி திருப்பம் ஏற்படுகிறது.ராயப்பேட்டையில் உள்ள அதிமுக தலைமை அலுவலகத்தில் இபிஎஸ் மற்றும் ஓபிஎஸ் ஆதரவாளர்களுக்கு இடையே ஏற்பட்ட மோதலில் பல காயமடைந்துள்ளதாக பரபரப்பு தகவல் வெளியாகி உள்ளது. இரு தரப்பினர் உருட்டு கட்டையால் அடித்ததில் ஓபிஎஸ் தரப்பினருக்கு மண்டை உடைக்கப்பட்டுள்ளது. மேலும் ஓபிஎஸ் ஆதரவாளர் ஒருவருக்கு கத்திக்குத்து ஏற்பட்டுள்ளதால் அங்கு பெரும் பதற்றமான சூழல் நீடித்து வருகிறது.